Situata e rënduar në disa akse rrugore për shkak të borës dhe shiut, Balla apelon për kujdes

21:50 | 10 Dhjetor 2023
E.G

Ministri i Brendshëm i Shqipërisë, Taulant Balla, ka reaguar në lidhje me situatën e krijuar në vend për shkak të motit të keq dhe reshjeve të dendura të dëborës dhe shiut.

Në një postim në Facebook, Balla shprehet se, ndërsa reshjet e dëborës dhe të shiut vijojnë, Policia e Shtetit, Autoriteti Rrugor dhe njësitë e qeverisjes vendore janë në krye të detyrës, nga Boga, Vermoshi, Qafë Murriza, në rrugën e Arbrit, deri në Qafë Muzinë në aksin rrugor Gjirokastër-Sarandë, etj, shkruan Arbresh.info.

“Qarkulloni me kujdes dhe ulni shpejtësinë, jo vetëm në akset ku ka reshje dëbore por edhe në akset e tjera rrugore, pasi lagështira në rrugë  është burim për përfshirje në ngjarje rrugore”, ka shkruar ai,

Tutje Balla apelon që drejtuesit e mjeteve të ndjekin udhëzimet e Policisë dhe të autoriteteve të tjera.

“Për çdo nevojë, telefononi në numrin pa pagesë 112 dhe do të keni menjëherë ndihmën e shërbimeve të Policisë së Shtetit”, përfundoi ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm